Tamén queremos contarvos que xa lles puxemos nome aos nosos equipos, traballo nos custou! Primeiro tivemos que reunirnos en pequenos grupos, dar suxerencias e decidir por maioría cal era o que máis nos gustaba, iso dounos traballo pero conseguímolo, os nomes son: leóns, Mickey e monos. Despois fixemos un debuxo cada un do nome do seu equipo e como non nos poñiamos dacordo en cal era o mellor, a profe colocounos no encerado por turnos e os nenos dos demáis equipos votaban cal lles parecía o máis bonito, era secreto pois ninguén sabía de quén eran os debuxos. Asumimos, non sin algún pequeno disgustiño, cal era o vencedor de cada grupo e xa o pegamos na mesa. Quedaron moi bonitos.
Esta semana fomos ao campiño que está detrás do cole e atopamos ourizos, castañas, cogumelos, follas, peras e mazás. O malo é que as mazás e as peras aínda estaban na árbore e quixemos intentar collelas pero non fomos capaces, ímoslle pedir a algún irmán maior a ver se nos pode coller unha pequeniña.
E por ultimo contarvos que como este fin de semana celebramos o Samaín, decoramos cabazas na casiña, e logo trouxémolas ao cole para adornar, pintamos bruxas, arañas e morcegos e cantamos unha canción de monstros. Pasámolo moi ben, porque as cousas de medo sempre nos gustan e rimos moito con elas.
Ata pronto.
1 comentario:
Hola otra vez:
Ya me tardaba ver nuevas noticias vuestras. Me he alegrado mucho al leeros. Un biquiño para todos
Publicar un comentario