Xa remata un trimestre cheo de emocións, experiencias, sentimentos... Ó longo dos días coñecímonos, compartimos, observamos, experimentamos, sentimos, rimos e choramos. En suma, un trimestre cheo de nós!. Agora xa temos 4 anos, e iso nótase! Estamos perfectamente adaptados ó cole, entramos cheos de ilusión, con gañas de contar e de escoitar, de ver e de sentir. E aquí todos xuntos descubrimos contos, sentimos cancións, expresámonos a través das cores, aprendemos mediante o diálogo, vivenciamos o noso corpo en movemento...
Ademáis fixemos excursións, como a do muíño ou a do teatro. E hoxe vimos no cole unha solta de aves: unha avelaiona e un ratonero común. Despois de ser tratadas das súas doenzas no Centro de Recuperación de Fauna Salvaxe de Oleiros, o noso cole foi o escenario elexido para que estas aves foran devoltas á natureza. Así poidemos observalas, tocalas e.... ó fin velas voar en liberdade!
Mil biquiños e unha morea de desexos de felicidade nestas festas!! Disfrutade das vacacións, portádevos ben, recibide o novo ano con ledicia e ilusión e vémonos de novo á volta!
Mil apertiñas fortes coma leóns e outros tantos biquiños saltaríns como rás!
No hay comentarios:
Publicar un comentario