Hola outra vez, somos de novo os golfiños e queremosvos contar que esta semana foi moi emocionante: o venres veu Papá Noel ao cole!. Traballamos moito toda a semana: rematamos os caderniños de mates, fixemos fichas, pintamos unha postal coas pegadas das nosas mans para felicitarlles o Nadal ás nosas familias e algo moi emocionante: o mércores, os maiores de 6º viñeron a axudarnos a escribir a carta de Papá Noel. Como aínda non sabemos ler nin escribir, estabamos algo preocupados, menos mal que os maiores non botaron unha man e escribimos unhas cartas preciosas. Por fin chegou o día, o venres veu Papá Noel; era tanta a emoción que algúns nenos choraron ao entrar na clase e a maioría non durmimos ven de noite, pero cando ao fin o vimos remataron os problemas: explicámoslle as nosas cartas, contámoslle cousas, dounos caramelos e despedímonos ata a noite do 24 de Nadal.
Esta semana estamos moi nerviosos, achéganse as vacacións e a verdade é que xa estamos algo cansos de tanto traballar, por iso adícamonos a contar moitos contos e cantar cancións coma a de Paco Papán que nos fai moita gracia.
Bueno amigos, como é probable que non voltemos a contar nada ata o ano que vén, querémosvos desexar unhas felices festas. Biquiños a todos